Հայ երկրպագուների միասնական երթ «Արարատ-Արմենիա» - «Դյուդելանժ» խաղից առաջ (Live)

18:11   22 օգոստոսի, 2019

Ֆուտբոլի Հայաստանի չեմպիոն Երեւանի «Արարատ Արմենիայի» երկրպագուների ակումբն ու Red Eagles Fan Club շարժումը սկսել են նախախաղային երթը Երեւանում։ Վարդան Մամիկոնյանի արձանի մոտից երկրպագուները եռագույններով, շարֆերով, վանկարկումներով, ոգեշնչող երգերով շարժվեցին դեպի «Հանրապետական» ստադիոն:

Եվրոպայի լիգայի որակավորման փլեյ-օֆֆ փուլի առաջին խաղում «Արարատ-Արմենիան»  «Հանրապետական» ստադիոնում կընդունի Լյուքսեմբուրգի չեմպիոն «Դյուդելանժին»: Հանդիպումը կմեկնարկի 19:00-ին:

Հիշեցնենք, որ հայկական ֆուտբոլի պատմության մեջ առաջին անգամ Հայաստանի թիմը դուրս է եկել Եվրոպայի լիգայի որակավորման փլեյ-օֆֆ փուլ: Եվրոպա լիգայի որակավորման նախորդ 2 փուլերում «Արարատ-Արմենիան» երկու խաղերի արդյունքում հաղթել էր Ջիբրալթարի չեմպիոն «Լինքոլնին» (2։0, 2։1) եւ Վրաստանի չեմպիոն «Սաբուրթալոյին» (1։2, 2։0)։ Վարդան Մինասյանի գլխավորած թիմը Չեմպիոնների լիգայի որակավորման առաջին փուլում չէր հաղթահարել Շվեդիայի չեմպիոն ԱԻԿ-ի արգելքը (2:1, 1:3):



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։