Ռոնալդու. Հիանալի հարաբերություններ ունեմ Մեսիի հետ

12:43   22 օգոստոսի, 2019

Իտալիայի չեմպիոն «Յուվենտուսի» և Պորտուգալիայի ազգային հավաքականի հարձակվող Կրիշտիանու Ռոնալդուն խոսել է կատալոնական «Բարսելոնայի» առաջատար Լիոնել Մեսիի հետ մրցակցության և ֆուտբոլիստի հետ ունեցած հարաբերությունների մասին:

«Ես հիանում եմ Մեսիի կարիերայով: Մեսին մի անգամ ասել է, որ երբ ես հեռացա Իսպանիայից, նրա համար դա ցավալի փաստ էր: Մրցակցությունը սպորտում ավելի ուժեղ է դարձնում: Վստահ եմ, որ եթե չլիներ Մեսին, ես չէի խաղա այն ֆուտբոլը, որը խաղում եմ այսօր: Մեսին ինձ ավելի ուժեղ է դարձրել, և վստահ եմ, որ ես էլ՝ նրան:

Հիանալի հարաբերություններ ունեմ Մեսիի հետ, սակայն մենք միասին երբեք չենք ընթրել: Ապագայում անպայման ընթրիք կկազմակերպենք»,- պորտուգալացի հարձակվողի խոսքը մեջբերում է RMC Sport-ը:

Ավելի վաղ Լիոնել Մեսին հայտարարել էր, որ Ռոնալդուի հեռանալով իսպանական ֆուտբոլը մեծ կորուստ է կրում: 

Հիշեցնենք, որ Կրիշտիանու Ռոնալդուն Մադրիդի «Ռեալից» «Յուվենտուս» է տեղափոխվել 2018 թվականի ամռանը: 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։