Սանչեսի տեղափոխությունն «Ինտեր» ձախողման եզրին է

10:42   22 օգոստոսի, 2019

Անգլիական «Մանչեսթեր Յունայթեդի» և Չիլիի ազգային հավաքականի հարձակվող Ալեքսիս Սանչեսը չի կարողանում համաձայնության գալ Միլանի «Ինտերի» հետ, հայտնում է BBC-ն:

«Ինտերը» համաձայնության է եկել «Մանչեսթեր Յունայթեդի» հետ ընթացիկ մրցաշրջանում Սանչեսին վարձակալելու վերաբերյալ, սակայն Ալեքսիսն «Ինտերից» պահանջում է շաբաթական 390 հազար ֆունտ ստերլինգ աշխատավարձ: Իտալական ակումբը հրաժարվում է կատարել Սանչեսի պահանջը:

Եթե կողմերը չկարողանան համաձայնության հասնել Ալեքսիսի աշխատավարձի վերաբերյալ, ապա 30-ամյա հարձակվողը մինչև ձմեռային տրանսֆերային պատուհանի բացվելը հանդես կգա «Մանչեսթեր Յունայթեդի» կազմում: 

Ալեքսիս Սանչեսի պայմանագիրը «Մանչեսթեր Յունայթեդի» հետ նախատեսված է մինչև 2022 թվականը: 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։