Սալահ․ Կլոպը հորդորել է մոռանալ անցած մրցաշրջանը եւ մնալ համեստ

20:45   21 օգոստոսի, 2019

Չեմպիոնների լիգայի գավաթակիր «Լիվերպուլի» եւ Եգիպտոսի հավաքականի հարձակվող Մոհամեդ Սալահը պատմել է, թե անգլիական ակումբի գերմանացի գլխավոր մարզիչ Յուրգեն Կլոպը մրցաշրջանի մեկնարկից առաջ ինչ է հորդորել խաղացողներին։

«Կլոպը մեզ ասաց․ «Շարունակեք համառ աշխատանքը։ Եթե ցանկանում եք էլի որեւէ տիտղոս նվաճել, ապա ստիպված կլինք ավելի շատ աշխատել, քան անցած մրցաշրջանում եւ մնալ համեստ։ Այո, Չեմպիոնների լիգայի գավաթը նվաճել ենք, բայց դա անցած մրցաշրջանն էր եւ մոռացեք այդ մասին։ Կռվեք նոր տիտղոսների համար»։

Եթե խաղում ես «Լիվերպուլի» նման ակումբում, սպասումները միշտ մեծ են, անհրաժեշտ է միշտ տիտղոս նվաճել։ Ֆուտբոլում միշտ է այդպես։ Երկրպագուները ցանկանում են, որ ակումբը տիտղոսներ նվաճի»,- Սալահի խոսքը մեջբերում է CNN-ը։

«Լիվերպուլը» Անգլիայի առաջնության առաջին երկու տուրերում հաղթանակներ է տարել եւ առաջին տեղում է։ Երկու հաղթանակ ունի նաեւ «Արսենալը»։ Այս թիմերը կհանդիպեն արդեն երրորդ տուրում։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։