Չեմպիոնների լիգայի գավաթակիր «Լիվերպուլի» գլխավոր մարզիչ Յուրգեն Կլոպը նշել է, որ իր գլխավորությամբ խաղում են ֆուտբոլիստներ, որոնք համաշխարհային մակարդակի վրա են գտնվում:
«Իմ մարզչական կարիերայի ընթացքում շատ եմ հանդիպել լավ ֆուտբոլիստների, սակայն շատ քչերն են, որ գտնվում են համաշխարհային մակարդակի վրա: «Լիվերպուլում» կան այդպիսի ֆուտբոլիստներ, որոնք մեր հաջողությունների գրավականն են: Ես հպարտ եմ, որ իմ թիմում ունեմ Սադիո Մանեի, Ռոբերտո Ֆիրմինոյի և Մոհամեդ Սալահի պես ֆուտբոլիստների»,- գերմանացի մարզիչի խոսքը մեջբերում է «Լիվերպուլի» պաշտոնական կայքը:
Հիշեցնենք, որ Անգլիայի առաջնության երկրորդ տուրում «Լիվերպուլը» հաղթանակ է տարել «Սաութհեմփթոնի» նկատմամբ 2:1 հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։