Լուկա Յովիչը հերքում է․ «Ռեալից» չի հեռանում

22:54   20 օգոստոսի, 2019

Մադրիդի «Ռեալի» սերբ նորեկ Լուկա Յովիչը հերքել է լուրերը, թե վարձակալությամբ հանդես է գալու այլ թիմում։

«Զիդանը հավատում է իմ հնարավորություններին։ Նրա կարծիքը չի փոխվել այս ընթացքում։ Ես ամեն օր նրանից նոր բան եմ սովորում։ Իսկ լրատվամիջոցների հրապարակումները ինձ միշտ ստիպում են ծիծաղել։ Միշտ կլինեն այդպիսի լուրեր, ես սովոր եմ դրանց իմ կարիերայի սկզբից։

Պատրաստ եմ առավելագույն ջանք գործադրել եւ օգնել թիմին։ Չեմ սպասում, որ բոլոր խաղերում կլինեմ մեկնարկային կազմում, սակայն աշխատանքի եւ համառության օգնությամբ կհասնեմ դրան։ Գիտեմ, որ իմ ժամանակը կգա»,- Յովիչի խոսքը մեջբերում է novosti.rs-ը։

Հիշեցնենք, որ 21-ամյա ֆուտբոլիստն այս ամռանն է Ֆրանկֆուրտի «Այնտրախտից» 60 միլիոն եվրոյով տեղափոխվել Արքայական ակումբ։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։