Ուկրաինայի հավաքականի կիսապաշտպանը «Շալկեից» կտեղափոխվի «Բեշիկթաշ»

21:51   20 օգոստոսի, 2019

Ստամբուլի «Բեշիկթաշը» համաձայնության է հասել գերմանական «Շալկեի» հետ Ուկրաինայի հավաքականի կիսապաշտպան Եվգենի Կոնոպլյանկայի տրանսֆերի հարցում, հաղորդում է ntvspor.net-ը։

Թուրքական ակումբը 29-ամյա ֆուտբոլիստի համար կվճարի 3 միլիոն եվրո, կկնքի 4 տարվա պայմանագիր։ Կոնոպլյանկան կստանա տարեկան 2,5 միլիոն եվրո։

Կոնոպլյանկան «Շալկեում» է խաղում 2016 թվականից։ Անցած մրցաշրջանում նա «Շալկեի» հետ մասնակցել է 21 հանդիպման, խփել 1 գոլ, կատարել 2 գոլային փոխանցում։ Կոնոպլյանկայի պայմանագիրը գերմանական ակումբի հետ նախատեսված է մինչեւ 2020թ․ հունիս։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։