Կլոպ. Կոուտինյոյի տեղափոխությունը վատ լուր է «Բորուսիայի» համար
14:16 20 օգոստոսի, 2019Անգլիական «Լիվերպուլի» գլխավոր մարզիչ Յուրգեն Կլոպը մեկնաբանել է Իսպանիայի չեմպիոն «Բարսելոնայի» կիսապաշտպան Ֆիլիպե Կոուտինյոյի՝ Մյունխենի «Բավարիա» տեղափոխությունը:
Յուրգեն Կլոպը նշել է, որ «Լիվերպուլի» ֆինանսական միջոցները թույլ չեն տվել իր մարզչական շտաբին մտածել Կոուտինյոյին վերադարձնելու մասին:
«Գերմանական ֆուտբոլի համար Կոուտինյոյի տեղափոխությունը հրաշալի նորություն է, սակայն նույնը չեմ կարող ասել «Բորուսիայի» մասին: Կոուտինյոն բարձր մակարդակի ֆուտբոլիստ է, և վստահ եմ, որ լավ մրցաշրջան է անցկացնելու «Բավարիայում»:
«Լիվերպուլը» չէր կարող վերադարձնել Կոուտինյոյին, քանի որ մենք արդեն ծախսել էինք այն գումարը, որը ստացել էինք ֆուտբոլիստի վաճառքից»,- Կլոպի խոսքը փոխանցում է գերմանական Bild-ը:
Հիշեցնենք, որ Կոուտինյոն ընթացիկ մրցաշրջանը կանցկացնի «Բավարիայում»: Մրցաշրջանի ավարտին մյունխենյան ակումբը հնարավորություն ունի ձեռք բերել բրազիլացի կիսապաշտպանի տրանսֆերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։