Տիգրան Բարսեղյան․ Հայաստանի հավաքականը կարող է պայքարել Եվրո-2020-ի ուղեգրի համար
09:04 20 օգոստոսի, 2019Հայաստանի ազգային հավաքականի եւ ղազախական «Կայսարի» հարձակվող Տիգրան Բարսեղյանը NEWS.am Sport-ի թղթակցի հետ զրույցում պատմել է իր նպատակների մասին՝ կապված Ղազախստանի առաջնության եւ Հայաստանի հավաքականի հետ։
«Ուրախ եմ, որ «Ատիրաուի» դեմ անցած տուրի խաղում դարձա հեթ-տրիկի հեղինակ։ Հիմա լավ մարզավիճակում եմ։ Իմ գլխավոր խնդիրն է օգնել «Կայասարին» դուրս գալ Եվրոպայի լիգա։
Իհարկե, կձգտեմ պայքարել ղազախական Պրեմյեր լիգայի լավագույն ռմբարկուի կոչման համար։ Ընթացիկ առաջնությունում արդեն խփել եմ 10 գոլ։
Ինչ վերաբերում է Հայաստանի հավաքականին, ապա մենք արդեն ապացուցել ենք, որ կարող ենք ցուցադրել գեղեցիկ ֆուտբոլ եւ հաղթել ուժեղ հավաքականների։ Կարծում եմ՝ մենք կարող ենք պայքարել Եվրո-2020-ի եզրափակիչ փուլի ուղեգրի համար»,- նշեց Բարսեղյանը։
Ղազախստանի առաջնության 23 տուրից հետո «Կայսարը» 37 միավորով 6-րդ տեղում է։ 25-ամյա հայ ֆուտբոլիստը խփել է 10 գոլ։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.