Կոուտինյո․ Նոր մարտահրավեր նոր երկրում եւ Եվրոպայի լավագույն ակումբներից մեկում

Բրազիլացի կիսապաշտպան Ֆիլիպե Կոուտինյոն մեկնաբանել է իր տեղափոխությունը «Բարսելոնայից» Մյունխենի «Բավարիա»։

«Նոր մարտահրավեր նոր երկրում եւ Եվրոպայի լավագույն ակումբներից մեկում։ Անհամբեր սպասում են «Բավարիայի» համազգեստով խաղադաշտ դուրս գալուս»,- Կոուտինյոյի խոսքը մեջբերում է գերմանական ակումբի մամուլի ծառայությունը։

27-ամյա ֆուտբոլիստը հանդես կգա 10 համարի խաղաշապիկով։ Նախորդ 10 տարիներին այդ համարով «Բավարիայում» հանդես էր գալիս հոլանդացի հարձակվող Արյեն Ռոբենը, որն անցած մրցաշրջանի ավարտից հետո հեռացավ թիմից։

Կոուտինյոն «Բարսելոնա» էր տեղափոխվել 2018թ․ հունվարին «Լիվերպուլից» 145 միլիոն եվրոյով։ Նրա պայմանագիրը կատալոնական ակումբի հետ նախատեսված է մինչեւ 2023թ․ հունիս։

Գերմանիայի առաջնության երկրորդ տուրում «Բավարիան» օգոստոսի 24-ին կմրցի «Շալկեի» հետ։