«Աթլետիկոն» հետ է կանչել բողոքը «Բարսելոնայի» դեմ

13:50   19 օգոստոսի, 2019

Մադրիդի «Աթլետիկոն» հետ է կանչել բողոքը «Բարսելոնայի» դեմ ֆրանսիացի հարձակվող Անտուան Գրիզմանի տրանսֆերի վերաբերյալ, հաղորդում է Sport.es-ը։

«Աթլետիկոն» կատալոնական ակումբից պահանջում էր եւս 80 միլիոն եվրո թույլատրված ժամանակից հետո Գրիզմանի հետ բանակցություններ սկսելու պատճառով։

Մինչեւ հուլիսի 1-ը Գրիզմանի պայմանագրով տրանսֆերի գինը 200 միլիոն եվրո էր, իսկ «Բարսելոնան» վճարել է 120 միլիոն եվրո։

Իսպանիայի ֆուտբոլի ֆեդերացիան ընդունել էր «Աթլետիկոյի» բողոքը եւ սկսել հետաքննություն։ Մադրիդյան ակումբի ղեկավարությունը հայտարարել էր, որ ապացույցներ ունի բանակցությունները ժամկետից շուտ սկսելու եւ Գրիզմանի համաձայնությունը նախօրոք ստանալու վերաբերյալ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։