ՊՍԺ-ն 80 միլիոն եվրո է առաջարկում Պաուոլո Դիբալայի համար

10:44   19 օգոստոսի, 2019

Փարիզի ՊՍԺ-ն Իտալիայի չեմպիոն «Յուվենտուսի» արգենտինացի հարձակվող Պաուլո Դիբալայի համար առաջարկում է 80 միլիոն եվրո, հաղորդում է Daily Mail-ը։

Դիբալայի գործակալ Խորխե Անտունը կհանդիպի ֆրանսիական ակումբի մարզական տնօրեն Լեոնարդոյի հետ եւ կփորձի կարճ ժամանակում ավարտել գործարքը։ Թուրինյան ակումբը ցանկանում է վաճառել Դիբալային, որպեսզի ստացած գումարով ձեռք բերի Միլանի «Ինտերի» հարձակվող Մաուրո Իկարդիին։

Անցած մրցաշրջանում Դիբալան «Յուվենտուսի» հետ բոլոր մրցաշարերում անցկացրել է 42 հանդիպում, խփել 10 գոլ, կատարել 5 գոլային փոխանցում։ Նրա պայմանագիրն իտալական ակումբի հետ նախատեսված է մինչեւ 2022թ․ հունիս։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։