Թուրք հաքերները եւս մեկ հարձակում են գործել «Սպարտակի» կայքի վրա
10:58 28 օգոստոսի, 2012Թուրք հաքերները շարունակում են հարձակվել Մոսկվայի «Սպարտակի» պաշտոնական կայքի վրա:
«Չնայած ձեռնարկված քայլերին, ակումբի պաշտոնական կայքի վրա հարձակումը շարունակվում է: Ամբողջ ակումբը եւ մասնագետները ներողություն են խնդրում կայքի հետ կապված խնդիրների համար: Առաջիկայում մենք կշարունակենք թիմի նորությունները հայտնել սոցիալական ցանցերի միջոցով»,- նված է «Սպարտակի»՝ Facebook-ի պաշտոնական էջում:
Հիշեցնենք, որ օգոստոսի 22-ի գիշերը թուրք հաքերները կոտրել էին Մոսկվայի «Սպարտակի» պաշտոնական կայքը, որը մինչեւ օրս անհասանելի է երկրպագուների համար:
Կայքի գլխավոր էջում հայտնվել էր Աթաթուրքի դիմանկարը հետեւյալ գրությամբ. «Անմիջապես ներողություն խնդրեք թուրք ազգից: ՖԻՖԱ-ն ուշադրություն չդարձրեց այս հանգամանքի վրա, սակայն մենք հանցագործությունն անպատիժ չենք թողնում»:
Օգոստոսի 21-ին Մոսկվայում կայացած Չեմպիոնների լիգայի որակավորման չորրորդ փուլի՝ «Սպարտակ» - «Ֆեներբահչե» (2:1) հանդիպման ժամանակ ռուսական ակումբի երկրպագուները տրիբունայում այրել էին Աթաթուրքի դիմանկարով պաստառներ: Խաղից առաջ ռուս ֆանատները քաղաքում հարձակվել են թուրք ֆուտբոլասերների վրա:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.