Լեւանդովսկի․ Կոուտինյոն կարճ ժամանակում կհարմարվի «Բավարիայի» խաղաոճին

16:13   18 օգոստոսի, 2019

Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկին վստահություն է հայտնել, որ «Բարսելոնայից» տեղափոխված բրազիլացի կիսապաշտպան Ֆիլիպե Կոուտինյոն հարմարման հետ կապված խնդիրներ չի ունենա խորվաթ Նիկո Կովաչի գլխավորած թիմում։ Կոուտինյոն արդեն ժամանել է Գերմանիա եւ բուժզննում կանցնի։

«Չեմ կարծում, որ Կոուտինյոյին շատ ժամանակ կպահանջվի «Բավարիային» եւ թիմի խաղաոճին հարմարվելու համար։ Նա այն ֆուտբոլիստներից է, որը կարողանում է արագ հարմարվել նոր կոլեկտիվում»,- Լեւանդովսկու խոսքը մեջբերում է Goal.com-ը։

27-ամյա ֆուտբոլիստը մեկ տարի վարձակալությամբ հանդես կգա «Բավարիայում»։

Կոուտինյոն «Բարսելոնա» էր տեղափոխվել 2018թ․ հունվարին «Լիվերպուլից» 145 միլիոն եվրոյով։ Նրա պայմանագիրը կատալոնական ակումբի հետ նախատեսված է մինչեւ 2023թ․ հունիս։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։