Վան Պերսի. «Արսենալում» ինձ հասկացրեցին, որ հեռանամ

22:46   17 օգոստոսի, 2019

Անգլիական «Մանչեսթեր Յունայթեդի» ու «Արսենալի» նախկին ֆուտբոլիստ Ռոբին վան Պերսին խոսել է 2012 թվականին Մանչեսթեր տեղափոխվելու որոշում ընդունելու դրդապատճառների մասին:

«Ես նոր պայմանագիր պետք է կնքեի «Արսենալի» հետ, քանի որ ավարտին էր մոտենում գործող պայմանագրիս ժամկետը: Մի քանի անգամ զրուցեցի գլխավոր մարզիչ Արսեն Վենգերի հետ և հասկացա, որ ակումբում ցանկանում են, որ ես հեռանամ: «Արսենալի» երկրպագուները դժգոհ էին իմ որոշումից, սակայն ես այլ ելք չունեի»,- Daily Mail-ի հաղորդմամբ՝ ասել է վան Պերսին:

Հիշեցնենք, որ հոլանդացի ֆուտբոլիստն «Արսենալում» հանդես է եկել 2004-2012 թվականներին, իսկ «Մանչեսթեր Յունայթեդում»՝ 2012-2015 թվականներին: Վան Պերսիի տեղափոխության դիմաց «Մանչեսթեր Յունայթեդը» վճարել է 24 միլիոն ֆունտ ստերլինգ:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։