Ֆրանսիական ՊՍԺ-ի մարզական տնօրեն Լեոնարդոն RMC Sport-ին տված հարցազրույցում անդրադարձել է թիմի բրազիլացի հարձակվող Նեյմար Ժունիորի շուրջ ստեղծված իրավիճակին:
«Նեյմարը մեծ որակներ ունեցող ֆուտբոլիստ է, որը հրաշալի խաղ է կարողանում ցուցադրել: Այնուամենայնիվ, ես կարծում եմ, որ նա արել է սխալներ, որ չպետք է աներ: Այդ պատճառով էլ դուք տեսաք, թե որքան զայրացած են մեր երկրպագուները:
Այժմ մենք բանակցում ենք Նեյմարի տեղափոխության շուրջ, սակայն դեռևս ոչինչ հստակ չէ: Եթե մեր պահանջները չբավարարվեն, ապա Նեյմարը մնալու է ՊՍԺ-ում»,- ասել է Լեոնարդոն:
Հիշեցնենք, որ Ֆրանսիայի առաջնության առաջին տուրի՝ «Նիմի» հետ խաղում ՊՍԺ-ի երկրպագուները տրիբունաներից հայհոյում էին Նեյմարին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։