Տարխանով. Բախտներս չբերեց մրցակցի հարցում
09:38 16 օգոստոսի, 2019Հայաստանի փոխչեմպիոն Երևանի «Փյունիկի» գլխավոր մարզիչ Ալեքսանդր Տարխանովը Եվրոպայի լիգայի որակավորման երրորդ փուլի պատասխան խաղից հետո պատասխանել է լրագրողների հարցերին:
«Մենք ծրագրել էինք դուրս գալ փլեյ-օֆֆ փուլ, սակայն բախտներս չբերեց մրցակցի հարցում: Մեզ բաժին հասավ Պրեմիեր լիգան ներկայացնող բավականին հզոր թիմ, որի գրեթե բոլոր ֆուտբոլիստները խաղում են իրենց հավաքականների կազմում: Այնուամենայնիվ, «Փյունիկը» կարողացավ հասնել մինչև երրորդ փուլ, ինչը ես լավ արդյունք եմ համարում:
Առաջին խաղակեսում մենք լավ էինք խաղում, սակայն երկրորդ խաղակեսում ամեն ինչ փոխվեց, և մրցակիցը կարողացավ օգտվել ստեղծած պահերից»,- ասել է ռուս մասնագետը:
Հիշեցնենք, որ Եվրոպայի լիգայի որակավորման երրորդ փուլում «Փյունիկը» «Վուլվերհեմփթոնի» հետ դիմակայությունում պարտվեց ընդհանուր 0:8 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։