«Մերսեդեսը» կատակել է Լյուիս Հեմիլթոնի կիսավարտիքի գույնի առիթով (ֆոտո)

20:14   15 օգոստոսի, 2019

Ֆորմուլա-1-ի «Մերսեդես» թիմը Թվիթերի պաշտոնական էջում կատակել է աշխարհի չեմպիոն Լյուիս Հեմիլթոնի կիսավարտիքի գույնի առիթով։

«Մերսեդեսի» մրցարշավորդը եղել է նարնջագույն կիսավարտիքով, իսկ նարնջագույնը «Մաքլարենի» բոլիդների գույնն է։ Վերջին օրերին շատ են լուրերը, թե բրիտանացի մրցարշավորդը մտադիր է «Մերսեդեսից» տեղափոխվել «Մաքլարեն»։

«Լյուիսը թեժացնում է խոսակցությունները, թե կարող է միանալ «Մաքլարենին»՝ հագնելով նարնջագույն կիսավարտիք»,- գրառում է արվել «Մերսեդեսի» էջում։

Ֆորմուլա-1-ի հնգակի չեմպիոնը 2013-ին է «Մաքլարենից» տեղափոխվել «Մերսեդես»։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։