Խրիստո Ստոիչկով․ Նեյմարի համար տեղ չկա «Բարսելոնայում»

18:40   15 օգոստոսի, 2019

«Բարսելոնայի» նախկին աստղ, բուլղարացի Խրիստո Ստոիչկովը քննադատել է «Բարսելոնայի» ղեկավարությանը ֆրանսիական ՊՍԺ-ից բրազիլացի հարձակվող Նեյմարին վերադարձնելու փորձերի համար։

«Նեյմարի համար տեղ չկա «Բարսելոնայում», քանի որ այնտեղ արդեն կան կարեւոր խաղացողներ՝ Դեմբելե, Գրիզման, Լուիս Սուարես, Լիոնել Մեսի։ Նեյմարը ռումբ կլինի ներթիմային հարաբերություններում։ Ես չեմ ցանկանում, որ նա վերադառնա։

Իհարկե, թիմում կան խաղացողներ, որոնք ցանկանում են դարձյալ իրենց հետ տեսնել Նեյմարին, բայց «Բարսելոնան» հիմա չունի այդքան գումար, իսկ խաղացողների փոխանակությունը անհարգալից է։ Հույս ունեմ, որ ոչ մի խաղացող չի լքի «Բարսելոնան» Նեյմարի տրանսֆերի պատճառով»,- Ստոիչկովի խոսքը մեջբերում է Goal.com-ը։

Ոչ պաշտոնական տվյալներով, ՊՍԺ-ն չի ընդունել Իվան Ռակիտիչի եւ Ֆիլիպե Կոուտինյոյի տրանսֆերները գործարքում ներառելու տարբերակը եւ պահանջում է միանվագ գումարային վճարում։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։