Պոգբայի տեղափոխության ձախողման դեպքում Զիդանը պատրաստ է լքել «Ռեալը»

13:50   15 օգոստոսի, 2019

Մադրիդի «Ռեալի» գլխավոր մարզիչ Զինեդին Զիդանը մտածում է Արքայական ակումբից հեռանալու մասին, հայտնում է El Pais-ը:

Ֆրանսիացի մասնագետի և «Ռեալի» նախագահ Ֆլորենտինո Պերեսի միջև հարաբերությունները շարունակվում են լարված մնալ: Զիդանը դժգոհ է, որ Պերեսը ակումբի ֆինանսական միջոցներն ուղղում է ՊՍԺ-ի հարձակվող Նեյմարի տեղափոխությունն իրականացնելու վրա՝ հրաժարվելով «Մանչեսթեր Յունայթեդի» կիսապաշտպան Պոլ Պոգբայի տրանսֆերից:

Զիդանը Պոգբայի հետ ունեցած զրույցում երաշխավորել է ֆրանսիացի կիսապաշտպանին, որ արդեն մեկնարկած մրցաշրջանում Պոգբան խաղալու է «Ռեալում», սակայն իրավիճակի նման զարգացման դեպքում Զիդանը չի բացառում «Ռեալի» գլխավոր մարզիչի պաշտոնից հեռանալու հնարավորությունը:

Ավելի վաղ Պոգբան հայտարարել էր, որ երջանիկ է «Մանչեսթեր Յունայթեդում» և չի ցանկանում հեռանալ ակումբից:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։