Կլոպ. Շատ ծանր հանդիպում անցկացրեցինք
12:40 15 օգոստոսի, 2019Անգլիական «Լիվերպուլի» գլխավոր մարզիչ Յուրգեն Կլոպն ՈւԵՖԱ-ի Սուպերգավաթի՝ «Չելսիի» հետ խաղից հետո խոսել է տպավորությունների մասին:
«Շատ ծանր հանդիպում անցկացրեցինք: Մենք եկել էինք այստեղ հաղթելու, և կարևորն այն է, որ վերադառնում ենք Լիվերպուլ ՈւԵՖԱ-ի Սուպերգավաթով:
Վստահ եմ, որ ինչպես մեզ, այնպես էլ «Չելսիին» պետք չէր լրացուցիչ ժամանակը, սակայն այլ ելք չկար: Կարծում եմ, որ լրացուցիչ ժամանակում մեր դարպասին 11 մետրանոց հարված նշանակելը մրցավարի կողմից սխալ որոշում էր, սակայն դա ոչինչ չփոխեց, մենք հաղթեցինք»,- ՈւԵՖԱ-ի պաշտոնական կայքը մեջբերում է Կլոպի խոսքը:
Նշենք, որ Կլոպի համար «Չելսիի» հետ հանդիպումը 800-րդն էր մարզչական կարիերայում: Կլոպը դարձավ ֆուտբոլի պատմության առաջին գերմանացի մարզիչը, որի գլխավորած թիմը դարձավ ՈւԵՖԱ-ի Սուպերգավաթակիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։