Ալեքսանդր Տարխանով․ Մենք կռիվ կտանք և կփորձենք հաղթել «Վուլվերհեմփթոնին»

01:03   15 օգոստոսի, 2019

Ֆուտբոլի Հայաստանի փոխչեմպիոն Երեւանի «Փյունիկի» գլխավոր մարզիչ Ալեքսանդր Տարխանովը և կիսապաշտպան Էրիկ Վարդանյանը Եվրոպայի լիգայի որակավորման երրորդ փուլի «Վուլվերհեմփթոնի» դեմ պատասխան խաղից առաջ Անգլիայում տեղի ունեցած մամուլի ասուլիսում խոսել են  սպասելիքների մասին, փոխանցում է ակումբի մամուլի ծառայությունը։

«Թիմը նորմալ ժամանեց Անգլիա։ Ամեն ինչ նորմալ է։ Ինչ վերաբերվում է խաղին, ապա հաշվի առնելով, որ մենք 0։4 հաշվով պարտվեցինք տանը, կարծում եմ, որ դժվար կլինի հաղթահարել մրցակցի արգելքը։ Բայց միևնույն ժամանակ կարծում եմ, որ մենք կռիվ կտանք և նախորդ խաղում թույլ տված սխալներից դասեր քաղելով կփորձենք հաղթանակի հասնել»։

«Փյունիկի» կիսապաշտպան Էրիկ Վարդանյանը նշեց հետևյալը.

«Ես էլ նույն բանը կասեմ, ինչ մարզիչը։ Ճիշտ է, հաջորդ փուլ անցնելու շանսերը շատ քիչ են, բայց մենք ամեն ինչ կանենք, որպեսզի դրական արդյունքի հասնենք»։

Եվրոպա լիգայի որակավորման երրորդ փուլի «Վուլվերհեմփթոն» - «Փյունիկ» խաղը կկայանա օգոստոսի 15-ին եւ կմեկնարկի Երեւանի ժամանակով 22:45-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։