Ֆրանսիական ՊՍԺ-ի ղեկավարությունը թույլատրել է թիմի հարձակվող Նեյմարին չներկայանալ մարզումներին, հայտնում է Esporte Interativo-ն:
Նեյմարը Թոմաս Տուխելի ղեկավարությամբ մարզումներ չի անցկացնի այնքան ժամանակ, մինչև հստակություն չլինի բրազիլացի հարձակվողի ապագայում: Նեյմարը կմարզվի ընդհանուր խմբից առանձին՝ մարզադահլիճում:
Ավելի վաղ տեղեկացրել ենք, որ «Բարսելոնան» ու ՊՍԺ-ն ակտիվ բանակցում են 27-ամյա հարձակվողի տեղափոխության շուրջ: Իսպանական Sport.es-ի հաղորդմամբ՝ կողմերը մոտ են համաձայնության գալուն:
Նեյմարը ՊՍԺ է տեղափոխվել 2017 թվականի ամառը՝ կատալոնական «Բարսելոնայից»: Ֆրանսիական ակումբը ֆուտբոլիստի դիմաց վճարել է 222 միլիոն եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։