Ռիվալդո. Նեյմարի տեղափոխությունը «Ռեալ» դավաճանություն չի լինի

17:46   14 օգոստոսի, 2019

Կատալոնական «Բարսելոնայի» և Բրազիլիայի ազգային հավաքականի նախկին հարձակվող Ռիվալդոն խոսել է ՊՍԺ-ի հարձակվող Նեյմար Ժունիորի ապագայի շուրջ ստեղծված իրավիճակի մասին:

«Եթե Նեյմարը որոշի տեղափոխվել «Ռեալ», ապա դա դավաճանություն չի լինի: Նա «Բարսելոնայից» տեղափոխվել է ՊՍԺ, հետո նոր՝ «Ռեալ»: Դավաճանություն կլիներ, եթե տեղափոխությունը լիներ իսպանական մի թիմից մյուսը:

Այնուամենայնիվ, որպես Նեյմարի հայրենակից և նրա ապագայով մտահոգվող մարդ՝ ես ցանկանում եմ, որ նա տեղափոխվի «Բարսելոնա»: Վստահ եմ, որ նա ևս հոգու խորքում ցանկանում է վերադառնալ «Բարսելոնա»»,- Ռիվալդոյի խոսքը մեջբերում է Marca-ն:

Հիշեցնենք, որ օգոստոսի 14-ին Փարիզում «Բարսելոնայի» ներկայացուցիչները հանդիպել են ՊՍԺ-ի մարզական տնօրեն Լեոնարդոյի հետ և քննարկել Նեյմարի հնարավոր տեղափոխությունը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։