ԵԼ․ Անվճար տոմսեր եւ վերնաշապիկներ՝ Թբիլիսիում հայ երկրպագուների համար, կլինի նաեւ երթ

14:43   14 օգոստոսի, 2019

Վրաստանում Հայաստանի դեսպանությունը Թբիլիսիում հայ երկրպագուներին անվճար կտրամադրի Եվրոպայի լիգայի որակավորման երրորդ փուլի «Սաբուրթալո» - «Արարատ-Արմենիա» պատասխան հանդիպման տոմնսեր եւ «Արարատ-Արմենիա» գրությամբ վերնաշապիկներ, հայտնում է դեսպանության ֆեյսբուքյան էջը։

Դեսպանության աշխատակիցը ժամը 18։30-ից սկսած կգտնվի մարզադաշտի մուտքի մոտ և կդիմավորի Հայաստանի չեմպիոնին աջակցելու համար ժամանած բոլոր երկրպագուներին։

«Արարատ-Արմենիայից» էլ հայտնում են, որ թիմի պաշտոնական ֆան ակումբը (FC Ararat-Armenia Fan Club), Red Eagles Fan Club-ի հետ համատեղ «Սաբուրթալո» - «Արարատ-Արմենիա» խաղից առաջ կազմակերպում է երթ դեպի մարզադաշտ։

Երթը մեկնարկելու է 18:00-ին` ստադիոնի հարևանությամբ գտնվող «Դելիսի» մետրոյի կայարանի մոտից:

«Սաբուրթալո» - «Արարատ-Արմենիա» հանդիպումը տեղի կունենա Թբիլիսիի «Միխեիլ Մեսխի» ստադիոնում և կմեկնարկի 20:00-ին: Առաջին խաղում 2։1 հաշվով հաղթել է վրացական թիմը։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։