Իկարդին հրաժարվել է տեղափոխվել «Ինտերի» հետ համաձայնության հասած «Ռոմա»

13:47   14 օգոստոսի, 2019

Միլանի «Ինտերն» ու «Ռոման» համաձայնության են հասել 26-ամյա արգենտինացի հարձակվող Մաուրո Իկարդիի տրանսֆերի հարցում, սակայն ֆուտբոլիստը հրաժարվել է տեղափոխվել «Ռոմա», հաղորդում է Football Italia-ն։

«Ռոման» Իկարդիի համար պետք է վճարեր 50 միլիոն եվրո եւ «Ինտերին» տրամադրեր նաեւ բոսնիացի հարձակվող Էդին Ջեկոյի տրանսֆերային իրավունքը, սակայն Իկարդին ցանկանում է տեղափոխվել Թուրինի «Յուվենտուս»։

Sky Sport Italia-ն հայտնում է, որ Իկարդին համաձայնության է հասել «Յուվենտուսի» հետ հինգ տարվա անձնական պայմանագրի վերաբերյալ՝ տարեկան 8 միլիոն եվրո աշխատավարձով։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։