Լեւոն Արոնյանը պարտվեց Մաքսիմ Վաշյե-Լագրավին եւ նահանջեց երկրորդ տեղ

02:25   14 օգոստոսի, 2019

Հայկական շախմատի առաջատար Լեւոն Արոնյանը Սենթ Լուիսի մրցաշարի (St. Louis Rapid & Blitz) կայծակնային խաղի 9-րդ տուրում սեւերով պարտվեց ֆրանսիացի Մաքսիմ Վաշյե-Լագրավին, որը 17․5 միավորով բարձրացավ առաջին տեղ, Արոնյանը 17 միավորով երկրորդն է։

Կայծակնային խաղի մրցաշարի առաջին օրը Արոնյանը հաղթեց ադրբեջանցի Շաքրիյար Մամեդյարովին, ոչ ոքի խաղաց ռուսաստանցի Սերգեյ Կարյակինի, չինացի Դին Լիրենի, ամերիկացի Ֆաբիանո Կարուանայի, չինացի Յանջի Յուի, հունգարացի Ռիչարդ Ռապորտի, աշխարհի չեմպիոն, նորվեգացի Մագնուս Կարլսենի հետ, պարտվեց ԱՄՆ-ը ներկայացնող կուբացի Լենիեր Դոմինգեսին։

Օգոստոսի 14-ին անցկացվելիք երկրորդ շրջանի 9 տուրերից հետո հայտնի կդառնա հաղթողը։

Բլիցում հաղթանակի համար տրվում է 1 միավոր, ոչ ոքիի համար՝ կես միավոր եւ գումարվում է արագ շախմատի մրցաշարում վաստակած միավորներին։

Սենթ Լուիսի մրցաշարը Grand Chess Tour-ի չորրորդ փուլն է։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։