«Բարսելոնայի» ներկայացուցիչները մեկնել են Փարիզ

14:10   13 օգոստոսի, 2019

Կատալոնական «Բարսելոնայի» ղեկավարության ներկայացուցիչներն օգոստոսի 13-ին մեկնել են Փարիզ, որտեղ հանդիպելու են ՊՍԺ-ի մարզական տնօրեն Լեոնարդոյի հետ, հայտնում է Sport.es-ը:

Փարիզ են մեկնել «Բարսելոնայի» տնօրենների խորհրդի անդամ Խավիեր Բորդասը և ակումբի տեխնիկական աշխատակից Էրիկ Աբիդալը :

ՊՍԺ-ի մարզական տնօրենի հետ հանդիպման ժամանակ «Բարսելոնան» Նեյմարի տրանսֆերի դիմաց կառաջարկի թիմի կիսապաշտպան Ֆիլիպե Կոուտինիոյի տրանսֆերային իրավունքը և ևս 80 միլիոն եվրո: Սպասվում է, որ կողմերը համաձայնության կգան արդեն այսօր:

Ավելի վաղ տեղեկացրել ենք, որ ՊՍԺ-ն ակումբի խանութներում վաճառքից հանել է Նեյմարի համզգեստը:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։