Ռոբերտ Շտիգլից. 7-րդ ռաունդից հետո ես չէի տեսնում Աբրահամի աջ ձեռքով կատարած հարվածները
19:08 27 օգոստոսի, 2012Արթուր Աբրահամի հետ մենամարտում ես արժանի էի գոնե ոչ ոքի արդյունքի, հայտարարել է գերմանացի Ռոբերտ Շտիգլիցը, որը օգոստոսի 25-ին չկարողացավ պաշտպանել սուպերմիջին քաշային կարգում WBO վարկածով աշխարհի չեմպիոնի տիտղոսը: Շտիգլիցը Բեռլինում պարտվեց 112:116, 112:116, 113:115 հաշվով:
«Մենամարտից հետո ես զգում էի, որ կարող է ավելի լավ մենամարտել: Սակայն ես նաեւ վստահ էի, որ չեմ պարտվել: Ես արժանի էի գոնե ոչ ոքի արդյունքի: Որպես կանոն, ոչ ոքի ռաունդներում հաղթանակը տրվում է չեմպիոնին: Նշեմ, որ այս մենամարտից առաջ ես երբեք այսքան լուրջ պատռվածքներ չէի ունեցել: 7-րդ ռաունդից հետո ես չէի տեսնում Աբրահամի աջ ձեռքով կատարած հարվածները: Շատ ծանր մենամարտ էր:
Այս մենամարտում շատ կարեւոր դեր խաղաց նաեւ ձեռնոցների ընտրությունը: Ես փափուկ ձեռնոցներով էի, իսկ Աբրահամը ընտրել էր շատ կոշտ ձեռնոցներ: Դրանք փոքր էին ու կոշտ: Ես առաջին անգամ էի բախվում այդպիսի ձեռնոցների:
Իդեալական դեպքում երկու բռնցքամարտիկներն էլ պետք ռինգ դուրս գան նույն ձեռնոցներով: Մեր դեպքում ձեռնոցները տարբեր էին: Ապագայում ես ավելի ուշադիր կլինեմ ձեռնոցների հարցում»,- Շտիգլիցի խոսքը մեջբերում է RusLife-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։