«Բարսելոնան» խնդրել է Նեյմարին չքննարկել «Ռեալի» առաջարկը
11:13 9 օգոստոսի, 2019Իսպանիայի չեմպիոն «Բարսելոնան» շարունակում է ակտիվ բանակցություններ վարել ՊՍԺ-ի հետ թիմի հարձակվող Նեյմար Ժունիորի տեղափոխության շուրջ:
«Բարսելոնան» պատրաստում է նոր առաջարկ, որով թիմի բրազիլացի կիսապաշտպան Ֆիլիպե Կոուտինիոյին կընդգրկի Նեյմարի տեղափոխության գործարքում:
Sport.es-ի հաղորդմամբ՝ կատալոնական ակումբի ղեկավարությունը խնդրել է Նեյմարին սպասել և ոչ մի դեպքում չքննարկել Մադրիդի «Ռեալի» կատարած ոչ մի առաջարկ:
Ավելի վաղ հայտնի էր դարձել, որ «Ռեալը» ցանկություն է հայտնել ձեռք բերել Նեյմարի տրանսֆերը: Զինեդին Զիդանի թիմը բրազիլացի հարձակվողի համար պատրաստ է վճարել 120 միլիոն եվրո և գործարքում ընդգրկել թիմի կիսապաշտպան Լուկա Մոդրիչին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։