Ֆուտբոլի Եվրոպայի լիգայի որակավորման երրորդ փուլի առաջին խաղում Հայաստանի չեմպիոն Երեւանի «Արարատ-Արմենիան» Վազգեն Սարգսյանի անվան «Հանրապետական» ստադիոնում մրցեց Վրաստանի չեմպիոն Թբիլիսիի «Սաբուրթալոյին»։
Վարդան Մինասյանի գլխավորած թիմը պարտություն կրեց 1։2 հաշվով՝ երկու գոլ բաց թողնելով վերջնամասում։
31-րդ րոպեին երեւանյան թիմի ռուսաստանցի պաշտպան Դմիտրի Գուզի փոխանցումից հետո աչքի ընկավ ռուսաստանցի հարձակվող Անտոն Կոբյալկոն՝ բացելով հաշիվը։
72-րդ րոպեին վրացի կիսապաշտպան Սանդրո Ալթունաշվիլին վերականգնեց հավասարությունը։ 4 րոպե անց վրացի կիսապաշտպան Լեւան Կենիան խփեց հաղթական գոլը։
Պատասխան հանդիպումը Վրաստանի մայրաքաղաքում տեղի կունենա օգոստոսի 14-ին։
Այս զույգի հաղթողը որակավորման վերջին փուլում կմրցի Լյուքսեմբուրգի «Դյուդելանժի» եւ էստոնական «Նիմյե Կալյուի» դիմակայության հաղթողի հետ։
Եվրոպայի լիգա, որակավորման երրորդ փուլ, առաջին խաղ
«Արարատ-Արմենիա» (Հայաստան) - «Սաբուրթալո» (Վրաստան)՝ 1։2
Անտոն Կոբյալկո, 31 – Սանդրո Ալթունաշվիլի, 72,Լեւան Կենիա, 76
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։