«Բարսելոնան» ուժեղ էր «Արսենալից»

Իսպանիայի չեմպիոն «Բարսելոնան» եւ Լոնդոնի «Արսենալը» «Կամպ Նոու» ստադիոնում 98812 հանդիսականների ներկայությամբ վիճարկեցին Ժոան Գամպերի անվան գավաթը։ 2։1 հաշվով հաղթանակ տարավ «Բարսելոնան»։

36-րդ րոպեին անգլիական թիմի գաբոնցի հարձակվող Պյեր-Էմերիկ Օբամեյանգը Գերմանիայի հավաքականի նախկին կիսապաշտպան Մեսութ Օզիլի փոխանցումից հետո գրավեց բրազիլացի Նետոյի պաշտպանած դարպասը։

69-րդ րոպեին «Արսենալի» անգլիացի պաշտպան Էյնսլի Մեյթլանդ-Նայլսն անհաջող փոխանցում կատարեց գերմանացի դարպասապահ Բերնդ Լենոյի ուղղությամբ՝ գրավելով սեփական դարպասը։

Վերջին րոպեին կատալոնական թիմի հաղթական գոլը խփեց ուրուգվայցի հարձակվող Լուիս Սուարեսը՝ 2։1։

Հայաստանի հավաքականի կիսապաշտպան Հենրիխ Մխիթարյանը «Արսենալի» մեկնարկային կազմում էր եւ փոխարինվեց 71-րդ րոպեին։

Ժոան Գամպերի անվան գավաթի խաղարկություն

«Բարսելոնա» - «Արսենալ»՝ 2։1

Էյնսլի Մեյթլանդ-Նայլս, 69, ինքնագոլ, Լուիս Սուարես, 90 - Պյեր-Էմերիկ Օբամեյանգ, 36

GOOOOOAAALLL!
And it's a cracking finish from @LuisSuarez9 in the final minute!#GamperFest FCB 2-1 ARS pic.twitter.com/OxZrOnhVJu

— FC Barcelona (@FCBarcelona) August 4, 2019