#SportLife Vlog․ ՀԲՖ-ի հեռացումը ՀԱՕԿ-ից
10:04 2 օգոստոսի, 2019NEWS.am Sport-ը ներկայացնում է հայկական սպորտի մասին պատմող #SportLife Vlog-ը: 16-րդ թողարկմանը Լուսինե Շահբազյանն անդրադարձել է Երեւանի «Օլիմպավանում» տեղի ունեցած ՀԱՕԿ-ի արտահերթ ասամբլեային:
Հիշեցնենք, որ Արթուր Գեւորգյանի ղեկավարած Հայաստանի բռնցքամարտի ֆեդերացիան հեռացվեց ՀԱՕԿ-ի ադամակցությունից, փոխարենը՝ ժամանակավոր անդամ դարձավ Բռնցքամարտի հայկական ազգային ֆեդերացիան: Ասամբլեայի ընթացքում ՀԱՕԿ գլխավոր քարտուղար Հրաչյա Ռոստոմյանը ելույթով ներկայացրեց ՀԱՕԿ-ի որոշման իրավական հիմքերը 30 կետով: Ապա բաց քվեարկությամբ՝ 65 ձայնով ընդունեց ՀԲՖ-ին հեռացնելու որոշումը:
Ասամբլեայից հետո տեղի ունեցավ նաեւ մամուլի ասուլիս, որի ընթացքում Հրաչյա Ռոստմյանը մեկնաբանեց ասամբլեայից մեկ ժամ առաջ ՀՀ կրթության, գիտության, մշակույթի եւ սպորտի նախարարության տարածած կոչը Հայաստանի բռնցքամարտի ֆեդերացիան ՀԱՕԿ-ի անդամակցությունից չզրկելու վերաբերյալ։
#SportLife Vlog-ի համար Լուսինե Շահբազյանն ուսումնասիրել է նաեւ առավոտյան վազքի, քայլքի եւ մարզումների օգտակարությունը, դրանց բացասական եւ դրական ազդեցությունները: Առողջ ապրելակերպի եւ անձնական քաշի նվազեցման նպատակով սիրողական մարզվողների համար առավոտյան վազքի ու մարզումների մասին զրուցել է սպորտի վարպետ, նախկին ձյուդոիստ, կենսաբանական գիտությունների թեկնածու, Orange Fitness ակումբի մարզիչ Հովհաննես Ավագյանի հետ: Կիսվել է նաեւ անձնական մարզումների փորձով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։