«Բավարիան» առաջարկ է արել «Մանչեսթեր Սիթիի» կիսապաշտպանի համար

11:13   1 օգոստոսի, 2019

Անգլիական «Մանչեսթեր Սիթիի» և Գերմանիայի ազգային հավաքականի կիսապաշտպան Լերոյ Սանեն կարող է մարզական կարիերան շարունակել Մյունխենի «Բավարիայում»:

Bild-ի հաղորդմամբ՝ գերմանական ակումբն առաջին պաշտոնական առաջարկն է կատարել «Մանչեսթեր Սիթիին», նաև անձնական պայմանագիր է առաջարկել 23-ամյա կիսապաշտպանին:

«Բավարիան» պատրաստ է Սանեին վճարել շաբաթական 220 հազար եվրո աշխատավարձ: Գործարքի կայացումը մյունխենյան թիմի համար կարող է արժենալ 100 միլիոն եվրո:

Լերոյ Սանեն «Մանչեսթեր Սիթիում» հանդես է գալիս 2016 թվականից: Ակումբի կազմում գերմանացի կիսապաշտպանը մասնակցել է 89 հանդիպման՝ դառնալով 25 գոլի հեղինակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։