«Տոտենհեմի» մարզիչ․ Ակումբը պետք է փոխի իմ պաշտոնի անվանումն ու լիազորությունները
13:51 31 հուլիսի, 2019Լոնդոնի «Տոտենհեմի» արգենտիանցի գլխավոր մարզիչ Մաուրիսիո Պոչետինոն դժգոհել է, որ չունի լծակներ թիմի նոր խաղացողների ընտրության հարցում։
«Խաղացողներ գնելու կամ վաճառելու, նրանց ընտրության հարցում ես ոչ մի ազդեցություն չունեմ։ Ամեն ինչ որոշում է ակումբի նախագահ Դանիել Լեւին։ Ակումբը պետք է փոխի իմ պաշտոնի անվանումն ու իմ լիազորությունները։
Իհարկե, թիմային մարտավարությունը ես եմ որոշում, բայց միայն մարզիչ եմ, մենեջերի ոչ մի լիազորություն չունեմ»,- Պոչետինոյի խոսքը մեջբերում է BBC-ն։
Պոչետինոն «Տոտենհեմը» գլխավորում է 2014 թվականից։ Անցած մրցաշրջանում թիմը հասավ Չեմպիոնների լիգայի եզրափակիչ՝ 0։2 հաշվով պարտվելով անգլիական «Լիվերպուլին»։ Անգլիայի առաջնությունում «Տոտենհեմը» գրավել է չորրորդ տեղը՝ նվաճելով Չեմպիոնների լիգայի խմբային փուլի ուղեգիր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.