Մադրիդի «Ռեալի» կոլումբացի կիսապաշտպան Խամես Ռոդրիգեսը վերադարձել է Մադրիդ ու առաջին մարզումն անցկացրել Արքայական ակումբի մարզաբազայում, հայտնում է Football Espana-ն:
28-ամյա կիսապաշտպանը «Ռեալում» հանդես է գալիս 2014 թվականից, սակայն նախորդ 2 մրցաշրջանը վարձակալությամբ անցկացրեց Մյունխենի «Բավարիայում»:
«Ռեալի» կիսապաշտպան Մարկո Ասենսիոյի ստացած ծանր վնասվածքից հետո Զինեդին Զիդանի մարզչական շտաբը որոշել է գալիք մրցաշրջանում թիմում պահել Խամեսին, որը գրեթե համաձայնության էր հասել իսպանական «Աթլետիկոյի» հետ:
«Բավարիայի» կազմում կոլումբացի կիսապաշտպանը մասնակցել է 43 հանդիպման և դարձել 13 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։