Իտալիայի չեմպիոն «Յուվենտուսը» մոտ է անգլիական «Մանչեսթեր Յունայթեդի» բելգիացի հարձակվող Ռոմելու Լուկակուի տեղափոխությունն իրականացնելուն, հաղորդում է La Gazzetta Dello Sport-ը:
Թուրինյան ակումբի ղեկավարությանը հաջողվել է համաձայնության հասնել 26-ամյա հարձակվողի հետ, որի տեղափոխության դիմաց Մաուրիսիո Սարիի թիմը պատրաստ է «Մանչեսթեր Յունայթեդին» առաջարկել ակումբի 25-ամյա հարձակվող Պաուլո Դիբալային:
Ավելի վաղ հայտնել էինք, որ Լուկակուն դուրս է մնացել հուլիսի 30-ին «Կրիստիանսունի» հետ կայանալիք ընկերական հանդիպման հայտացուցակից և թիմի հետ չի մեկնել Նորվեգիա:
Լուկակուն նախորդ մրցաշրջանում «Մանչեսթեր Յունայթեդի» կազմում մասնակցել է 45 հանդիպման՝ դառնալով 15 գոլի ու 4 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։