Վերատի. Եթե Նեյմարը ցանկանում է հեռանալ, պետք չէ պահել նրան
20:40 29 հուլիսի, 2019Ֆրանսիայի չեմպիոն ՊՍԺ-ի կիսապաշտպան Մարկո Վերատին խոսել է իր թիմակից Նեյմարի շուրջ ստեղծված իրավիճակի մասին:
Վերատին հորդորել է ՊՍԺ-ի ղեկավարությանը վաճառել Նեյմարի տրանսֆերը, եթե բրազիլացին, իրոք, ցանկանում է հեռանալ ակումբից:
«Նեյմարի համար ծանր ժամանակներ են: Նախորդ մրցաշրջանում նրան խանգարեցին վնասվածքները, շատ էին նաև անձնական խնդիրները: Այնուամենայնիվ, եթե ֆուտբոլիստը ցանկանում է հեռանալ, ապա պետք չէ ստիպողաբար նրան պահել»,- ասել է իտալացի կիսապաշտպանը:
Հիշեցնենք, որ Նեյմարը «Բարսելոնայից» ՊՍԺ է տեղափոխվել 2017 թվականի ամռանը՝ 222 միլիոն եվրոյի դիմաց: 27-ամյա հարձակվողն այժմ ցանկություն ունի վերադառնալ «Բարսելոնա»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։