Վալվերդե․ «Բարսելոնան» պաշտպանի կարիք ունի

21:10   26 հուլիսի, 2019

Կատալոնական «Բարսելոնայի» գլխավոր մարզիչ Էռնեստո Վալվերդեն խոսել է ընթացիկ տրանսֆերային պատուհանի ընթացքում նոր ֆուտբոլիստներ ձեռք բերելու հնարավորության մասին:

«Մենք ակտիվ աշխատանք ենք կատարում տրանսֆերային շուկայում: Մեր մասնագետներն աշխատում են միանգամից մի քանի ուղղությամբ: Այնուամենայնիվ, դեռ 1 ամիս ժամանակ ունենք որոշում կայացնելու համար:

Պաշտպանության ձախ եզրում մենք, իրոք, խնդիրներ ունենք: Հնարավոր է, որ շուտով մեր կազմը համալրենք ձախ պաշտպանով»,- Վալվերդեի խոսքը փոխանցում է Goal.com-ը:

Հիշեցնենք, որ հուլիսի 23-ին «Բարսելոնան» ակումբի հովանավոր Rakuten ընկերության անվան ընկերական մրցաշարի խաղում 1:2 հաշվով պարտվել է «Չելսիին»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։