ԵԼ․ «Փյունիկը» հաղթում է «Յաբլոնեցին» Միրանյանի դուբլի շնորհիվ (առաջին խաղակես)

Ֆուտբոլի Եվրոպայի լիգայի որակավորման երկրորդ փուլի առաջին խաղում Հայաստանի փոխչեմպիոն Երեւանի «Փյունիկը» Գյումրիում մրցում է չեխական «Յաբլոնեցի» հետ։

Ռուսաստանցի Ալեքսանդր Տարխանովի գլխավորած թիմն առաջին խաղակեսից հետո հաղթում է 2։0 հաշվով։ Դուբլի հեղինակ դարձավ հարձակվող Արթուր Միրանյանը, որն արդեն 6-րդ րոպեին հրաշալի հարվածով բացեց հաշիվը, իսկ 30-րդ րոպեին կրկնապատկեց։

Ընդմիջում է։

Եվրոպայի լիգա, որակավորման երկրորդ փուլ, առաջին հանդիպում

«Փյունիկ» (Հայաստան) - «Յաբլոնեց»  (Չեխիա)՝ 2։0 (առաջին խաղակես)

Արթուր Միրանյան, 6, 30

«Փյունիկ»․ Անդրիա Դրագոեւիչ, Արմեն Մանուչարյան, Կրիստի Մարկու, Մաքսիմ Ժեստոկով, Անտոնիո Ստանկով, Արտակ Եդիգարյան, Սերգեյ Շեւչուկ, Էրիկ Վարդանյան, Ստանիսլավ Եֆիմով, Արտյոմ Սիմոնյան, Արթուր Միրանյան։