Մարկոս Պիզելի․ Պատրաստ եմ օգնել ակումբին եւ հավաքականին
20:16 24 հուլիսի, 2019«Ակտոբեի» եւ Հայաստանի հավաքականի կիսապաշտպան Մարկոս Պիզելին մոտ է խաղադաշտ վերադառնալուն։ 34-ամյա ֆուտբոլիստը ղազախական թիմի հետ մեկնել է Կոկշետաու, որտեղ հուլիսի 27-ին «Ակտոբեն» Ղազախստանի առաջնության 20-րդ տուրի հանդիպումը կանցկացնի «Օկժետպեսի» դեմ։
«Վերսկսել եմ մարզումները թիմի հետ, ինձ լավ եմ զգում։ Տեւական ժամանակ աշխատում էի անհատական ծրագրով։ Նախատեսվում էր, որ խաղադաշտ կվերադառնամ օգոստոսին։
Պատրաստ եմ օգնել «Ակտոբեին» առաջիկա հանդիպումներում եւ Հայաստանի հավաքականին սեպտեմբերին կայանալիք Եվրո-2020-ին ընտրական խաղերում»,- նշեց Պիզելին NEWS.am Sport-ի թղթակցի հետ զրույցում։
Հիշեցնենք, որ Պիզելին ծնկի ծանր վնասվածք էր ստացել 2018թ․ հոկտեմբերին Երեւանում տեղի ունեցած ՈւԵՖԱ-ի Ազգերի լիգայի խաղում։ Հայաստանի հավաքականը 4։0 հաշվով հաղթել էր Մակեդոնիայի թիմին, Պիզելին դարձել էր գոլի հեղինակ։
Սամվել Սուքիասյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։