Ֆրենկ Լեմպարդ․ Չափազանց գոհ եմ, ամեն ինչ հրաշալի էր

Լոնդոնի «Չելսիի» գլխավոր մարզիչ Ֆրենկ Լեմպարդը մեկնաբանել է 2։1 հաշվով հաղթանակը Իսպանիայի չեմպիոն «Բարսելոնայի» նկատմամբ Ճապոնիայի մայրաքաղաք Տոկիոյում տեղի ունեցած Rakuten Cup ընկերական մրցաշարի խաղում։

«Չափազանց գոհ եմ, ամեն ինչ հրաշալի էր։ Տեսնում եմ մեր ծանր աշխատանքի արդյունքը։ Դա հրաշալի է։ Դեռ շատ աշխատանք ունենք, բայց այս ուղեւորությունն արդյունավետ էր։

Ունենք գերազանց ֆուտբոլիստներ, որոնք կատարում են բոլոր առաջադրանքները։ Հիմա նրանք կստանան մի քանի օր հանգիստ, որին արժանի են։

Մենք շարունակում ենք մարզավիճակ հավաքել եւ պատրաստվել «Մանչեսթեր Յունայթեդի» դեմ հանդիպմանը Անգլիայի առաջնության առաջին տուրում։ Թիմային խաղի հետ կապված լուրջ աշխատանք ունենք»,- Լեմպարդի խոսքը մեջբերում է ակումբի մամուլի ծառայությունը։

Պրեմյեր լիգայի առաջին տուրի «Մանչեսթեր Յունայթեդ» - «Չելսի» հանդիպումը տեղի կունենա օգոստոսի 11-ին։