Մենամարտում ստացած վնասվածքներից մահացել է ռուսաստանցի բռնցքամարտիկ Մաքսիմ Դադաշեւը

20:01   23 հուլիսի, 2019

ԱՄՆ-ի Օքսոն Հիլ քաղաքում հուլիսի 20-ին պուերտոռիկացի Սաբրիել Մատիասի հետ մենամարտում ստացած վնասվածքներից հուլիսի 23-ին մահացել է 28-ամյա ռուսաստանցի բռնցքամարտիկ Մաքսիմ Դադաշեւը, հաղորդում է tass.ru-ն։

Ամբողջ մենամարտի ընթացքում Դադաշեւը բազմաթիվ ծանր հարվածներ է ստացել գլխին։ 11-րդ ռաունդում նրա թիմն ընդունել է պարտությունը։ Մենամարտից հետո Դադաշեւը ուղեղի այտուցների հետեւանքով վիրահատվել է եւ հայտնվել արհեստական կոմայում։ Փրկել մարզիկի կյանքը չի հաջողվել։

Դադաշեւը պրոֆեսիոնալ ռինգում անցկացրել էր 14 մենամարտ, տարել 13 հաղթանակ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։