Բեյլի գործակալ․ Աշխարհի լավագույն ֆուտբոլիստներից մեկը չի հեռանա վարձավճարով
16:44 23 հուլիսի, 2019Մադրիդի «Ռեալի» և Ուելսի ազգային հավաքականի կիսապաշտպան Գարեթ Բեյլի գործակալ Ջոնաթան Բարնեթը հերթական անգամ անդրադարձել է Բեյլի ապագայի շուրջ ստեղծված իրավիճակին:
Ֆուտբոլիստի գործակալը նշել է, որ Բեյլն աշխարհի լավագույն ֆուտբոլիստներից մեկն է, և անհնար է նրա տեղափոխությունը «Ռեալից» վարձավճարով։
«Բեյլն աշխարհի լավագույն ֆուտբոլիստներից մեկն է: Կարող եմ վստահեցնել, որ նա ոչ մի դեպքում վարձավճարով չի հեռանա «Ռեալից»: Նա Արքայական ակումբի ֆուտբոլիստ է, և նրա պայմանագրի ժամկետի ավարտին դեռ 3 տարի կա»,- Բեյլի գործակալի խոսքը փոխանցում է Goal.com-ը:
Ավելի վաղ «Ռեալի» ֆրանսիացի գլխավոր մարզիչ Զինեդին Զիդանը հայտարարել էր, որ չի ցանկանում շարունակել աշխատանքը Բեյլի հետ և կոչ էր արել ուելսցի կիսապաշտպանին ուղիներ փնտրել Մադրիդից հեռանալու համար: Գարեթ Բեյլը «Ռեալում» հանդես է գալիս 2013 թվականից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։