Իվան Ռակիտիչ․ «Բարսելոնայի» օրակարգում չկա իմ տրանսֆերը, բայց հպարտ եմ, որ այլ ակումբներ ցանկանում են ձեռք բերել ինձ

20:44   22 հուլիսի, 2019

Իսպանիայի չեմպիոն «Բարսելոնայի» եւ աշխարհի փոխչեմպիոն Խորվաթիայի հավաքականի կիսապաշտպան Իվան Ռակիտիչը մեկնաբանել է իր հնարավոր տրանսֆերի մասին լուրերը։

«Ամեն տրանսֆերային պատուհանի ժամանակ հայտնվում են լուրեր, թե ես հեռանալու եմ «Բարսելոնայից»։ Ես խոսել եմ ակումբի ղեկավարության եւ գլխավոր մարզիչ Էռնեստո Վալվերդեի հետ, եւ իմ տրանսֆերը օրակարգում չէ։ Ես ցանկանում եմ մնալ, բայց բաց եմ նոր մարտահրավերների համար։

Իմ պայմանագրի մեծ մասն արդեն անցել է, եւ ես երջանիկ եմ այս ընտանիքում։ Բայց նաեւ հասկանում եմ, որ ֆուտբոլն ունի իր կանոնները, եւ ես հպարտ եմ, որ այլ ակումբներ ցանկանում են ձեռք բերել ինձ։ Դա նշանակում է, որ ես լավ եմ աշխատում»,- Ռակիտիչի խոսքը մեջբերում է AS-ը։

31-ամյա ֆուտբոլիստի պայմանագիրը կատալոնական ակումբի հետ նախատեսված է մինչեւ 2021 թվականը։ Նա «Բարսելոնա» է տեղափոխվել 2014-ին «Սեւիլիայից»։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։