ԵԼ․ «Փյունիկի» եւ «Ալաշկերտի» հնարավոր մրցակիցները երրորդ փուլում

16:26   22 հուլիսի, 2019

Հայաստանի փոխչեմպիոն Երեւանի «Փյունիկն» ու գավաթակիր «Ալաշկերտն» իմացան Եվրոպայի լիգայի որակավորման երրորդ փուլում հնարավոր մրցակիցներին։

Երկրորդ փուլում չեխական «Յաբլոնեցի» արգելքը հաղթահարելու դեպքում, «Փյունիկը» կմրցի անգլիական «Վուլվերհեմփթոնի» եւ հյուսիսիռլանդական «Կրուսադերսի» դիմակայության հաղթողի հետ։

«Ալաշկերտը» Բուխարեստի «Ստյաուայի» արգելքը հաղթահարելու դեպքում կմրցի չեխական «Մլադա Բոլեսլավի» եւ ղազախական «Օրդաբասիի» դիմակայության հաղթողի հետ։

Ավելի վաղ հայտնի էր դարձել Հայաստանի չեմպիոն Երեւանի «Արարատ-Արմենիայի» հնարավոր մրցակիցը երրորդ փուլում։ Երկրորդ փուլում Ջիբրալթարի «Լինքոլնի» արգելքը հաղթահարելու դեպքում, Վարդան Մինասյանի գլխավորած թիմը հաջորդ փուլում կմրցի  Չեմպիոնների լիգայի որակավորման երկրորդ փուլի «Սաբուրտալո» (Վրաստան) - «Դինամո Զագրեբ» (Խորվաթիա) զույգում պարտվողի հետ:

Երրորդ փուլի հանդիպումները տեղի կունենան օգոստոսի 8-ին եւ 15-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։