Խամես Ռոդրիգեսը կտեղափոխվի Մադրիդի «Աթլետիկո»

11:44   22 հուլիսի, 2019

Մադրիդի «Աթլետիկոն» համաձայնության է հասել «Ռեալի» հետ կիսապաշտպան Խամես Ռոդրիգեսի տրանսֆերի հարցում, հաղորդում է  CalcioNapoli24-ը։ «Աթլետիկոն» կվճարի 40 միլիոն եվրո։ 28-ամյա ֆուտբոլիստը կկնքի հինգ տարվա պայմանագիր։

Նախորդ երկու մրցաշրջանը Խամես Ռոդրիգեսը վարձակալությամբ անցկացրեց Մյունխենի «Բավարիայում»։ Նրան ձեռք բերելու ցանկություն ունի նաեւ իտալական «Նապոլին»։

«Ռեալի» ֆրանսիացի գլխավոր մարզիչ Զինեդին Զիդանը Ռոդրիգեսի հետ աշխատելու ցանկություն չունի։

Անցած մրցաշրջանում կոլումբացի ֆուտբոլիստը «Բավարիայի» հետ մասնակցել է 28 հանդիպման, խփել 7 գոլ, կատարել 6 գոլային փոխանցում։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։