«Արսենալի» նախկին ավագը մոտ է Ֆրանսիա վերադառնալուն

10:12   22 հուլիսի, 2019

Լոնդոնի «Արսենալի» նախկին ավագ Լորան Կոսելնին մոտ է ֆրանսիական «Ռեն» տեղափոխվելուն, հաղորդում է RMC-ն։ Կողմերն արդեն համաձայնության են հասել ֆուտբոլիստի պայմանագրի վերաբերյալ։

33-ամյա ֆրանսիացի պաշտպանի պայմանագիրն «Արսենալի» հետ նախատեսված է մինչեւ 2020թ․ հունիսի 30-ը, սակայն Կոսելնին ցանկանում է արդեն այս ամռանը խզել պայմանագիրը։ Նա բոյկոտեց «Արսենալի» ամերիկյան մրցաշրջագայությունը՝ իսպանացի Ունաի Էմերիի գլխավորած թիմի հետ չմեկնելով ԱՄՆ։

Դրանից հետո Կոսելնին զրկվեց ավագի թեւկապից։ Էմերին եւս չի ցանկանում «Արսենալում» տեսնել Կոսելնիին, որն անգլիական ակումբում է խաղում 2010 թվականից։ Նա ֆրանսիական «Լորյանից» էր տեղափոխվել Անգլիա։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։