Բեյլի գործակալ․ Զիդանի պարտադրանքով Գարեթը չի հեռանա

18:18   21 հուլիսի, 2019

Մադրիդի «Ռեալի» ուելսցի հարձակվող Գարեթ Բեյլի գործակալ Ջոնաթան Բարնեթը մեկնաբանել է Արքայական թիմի գլխավոր մարզիչ Զինեդին Զիդանի հայտարարությունը Բեյլի տրանսֆերի վերաբերյալ։ Ֆրանսիացի մասնագետը հույս էր հայտնել, որ Բեյլը շուտով կլքի «Ռեալը», եւ դա լավագույն լուծումը կլինի բոլորի համար։

«Բավական ցածր է այդպես խոսել Բեյլի մասին, որն այդքան շատ բան է արել «Ռեալի» համար։ Զիդանի պարտադրանքով Գարեթը չի հեռանա։ Միայն իր կամքով եւ իր շահերին համապատասխան տարբերակի դեպքում տեղի կունենա տրանսֆերը, որի ուղղությամբ մենք աշխատում ենք»,- Բարնեթի խոսքը մեջբերում է ESPN-ը։

Զիդանը նաեւ հայտարարել էր, որ իր համար խնդիր չէ Բեյլի ներկայությունը թիմում, եւ բոլորը պարտավոր են կատարել պայմանագրերը։

Բեյլն անցած մրցաշրջանում «Ռեալի» հետ մասնակցել է 42 հանդիպման, խփել 14 գոլ։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։