Մեսութ Օզիլ․ Շատ լավ հարաբերություններ ունեմ Ունաի Էմերիի հետ

15:22   20 հուլիսի, 2019

Լոնդոնի «Արսենալի» կիսապաշտպան Մեսութ Օզիլը պատմել է, որ ոչ մի խնդիր չունի անգլիական թիմի իսպանացի գլխավոր մարզիչ Ունաի Էմերիի հետ։

«Ես շատ լավ հարաբերություններ ունեմ գլխավոր մարզիչի հետ։ Մենք շատ ենք խոսում, նա ցանկանում է օգնել ինձ, ես՝ թիմին։ Իմ կարիերայի ընթացքում շատ մարզիչների հետ եմ աշխատել։ Բնականաբար, նրանք բոլորը տարբեր են, եւ յուրաքանչյուրն ունի իր մոտեցումներն ու տարբերվող պահանջները։

Անցած մրցաշրջանի մեկնարկից առաջ վնասվածք ունեի։ Հենց այդ պատճառով լավ չստացվեց մրցաշրջանի առաջին կեսը, բայց մրցաշրջանի վերջնամասում ամեն ինչ գերազանց էր»,- Օզիլի խոսքը մեջբերում է ակումբի մամուլի ծառայությունը։

Գերմանիայի հավաքականի նախկին ֆուտբոլիստը դեռ երկու տարվա պայմանագիր ունի «Արսենալի» հետ։ Բրիտանական մամուլը բազմիցս գրել է, որ լոնդոնյան ակումբը պատրաստ է վաճառել Օզիլին։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։